Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Në 2020, fëmijët romë braktisën shkollat

Në 2020, fëmijët romë braktisën shkollat

Qeveria thotë se në vitin 2020 u raportua një rënie e fortë e numrit të nxënësve romë dhe egjiptianë në shkollat publike dhe jopublike shqiptare.

Sipas Qeverisë, në 2020 numri i nxënësve të këtyre pakicave ishte 14 mijë e 525. Shifra është rreth 1500 nxënës më pak se numri i tyre në vitin shkollor 2018-2019.

Shifra bëhet publike në raportin e pestë periodik kombëtar mbi zbatimin e Konventës Kuadër të Këshillit të Europës për mbrojtjen e minoriteteve.

Në këtë raport, Qeveria nuk përjashton mundësinë që numri i nxënësve në vitin shkollor 2018-2019 të mos ketë qenë i saktë dhe ndryshimin e shifrave të mos jetë kaq i thellë.

“Kjo ndoshta edhe për shkak të riorganizimit të ish-drejtorive arsimore rajonale/ zyra arsimore në zyrat vendore arsimore (ZVA) dhe raportimit të ndryshëm të të dhënave statistikore prej tyre”, thuhet në raport.

Të dhënat për vitin shkollor 2020-2021 janë ende në përpunim, ndërkohë që në raport theksohet se ka vijuar trajnimi vjetor i mësuesve të pakicave kombëtare.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore