Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Mundësia e fundit për të zbardhur 21 janarin”/ Artan Hoxha flet nga Drejtoria e Policisë: Të qetësohen shpirtrat e të vrarëve

E Hënë 23 Janar 2023, 19:47 Gazeta Shqip

“Mundësia e fundit për të zbardhur 21 janarin”/ Artan

Artan Hoxha ka folur për mediat pasi doli nga Drejtoria e Policisë ku dha dëshminë e tij pas audiopërgjimit që zbuloi në mënyrë ekskluzive në emisionin “Zona Zero” në Top News.

Hoxha tha se kjo është mundësia e fundit për ta zbardhur dhe hetuar në mënyrë shteruese “21 janarin”.

“Nuk është se vura re sa kohë qëndrova, por vura në dispozicion të çështjes, Prokurori kishte deleguar detyrat për oficerët e policisë gjyqësore dhe ata më kërkuan të deklaroja lidhur me çështjen. Përshëndes prokurorin që reagoi dhe që ky detaj i ri t’i japë nxitje hetimit. Kërkoj që këtë çështje ta marrë në dorë SPAK, e duhet ta hetojë SPAK.

Duke pasur parasysh që është krim shtetëror ku janë përfshirë nivelet më të larta të shtetit, ka nevojë për hetim nga Prokuroria e Posaçme. Kjo është mundësia e fundit për ta zbardhur dhe hetuar në mënyrë shteruese “21 janarin”. Së pari se ka kaluar shumë kohë, e dyta se kemi SPAK, e treta se kanë ndryshuar kohërat dhe nuk jemi në presion. Nëse kalon dhe ky moment, do jemi shumë vonë për t’i dhënë përgjigje familjarëve. Të qetësohen shpirtrat e të vrarëve. Janë vrarë para kamerave, janë vrarë me duart në xhepa, nuk ishin në perimetrin e hyrjes së kryeministrisë. Të zgjidhet një herë e mirë kjo histori,” tha Hoxha.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore