Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Meta i rikthehen Ramës ligjin për Bashkëqeverisjen, ja arsyet

Meta i rikthehen Ramës ligjin për Bashkëqeverisjen, ja arsyet

Ligji për bashkëqeverisjen është refuzuar nga presidenti për t'u kaluar dhe me anë të një dekreti është kthyer mbrapsht për t'u rishqyrtuar nga Parlamenti.

"Ligji. Shkel Kushtetutën dhe autonominë e pushtetit vendor; Krijon institucione paralele dhe mbivendosje kompetencash ndermjet tyre duke shkelur sigurinë jurudike; Centralizon më shumë pushtet tek një institucion në varësi direkte nga Kryeministri; Bie ndesh me Jurisprudencen e Gjykates Kushtetuese; Bie ndesh me parimet e funksionimit te administrates shteterore te saksionuara ne Kode dhe Ligje te tjera", thuhet në arsyet e relacionit të ligjit.

Me tej theksohet se "1.1     Ndaj dhe parimet e bashkëqeverisjes që serviren si risi në Kreun II, të ligjit nr. 107/2021, përkatësisht në nenet 5 “Parimi i pjesëmarrjes qytetare”, 6 “Parimi i rritjes së aksesit në shërbimet publike”, 7 “Parimi i inovacionit të vazhdueshëm”, 8 “Parimi i bashkëpunimit ndërinstitucional”, 9 “Parimi i kontrollit”, apo 10 “Parimi i trajtimit të barabartë”, janë përsëritje të cekta të atyre parimeve që sanksionohen në Kodin e Procedurave Administrative dhe nuk sjellin asnjë risi. Për më tepër ato zbehin rëndësinë e parimeve themelore të funksionimit të administratës shtetërore, duke krijuar kështu një zhvleftësim të tyre përmes këtij ligji që miratohet me shumicë të thjeshtë. "

Problemet sipas presidentit

Vlerësohet se, ky ligj në tërësinë e tij:

 

-          Cenon dispozita konkrete të Kushtetutës dhe parimet kushtetuese të shtetit të së drejtës, parimin e autonomisë vendore, parimin e sigurisë juridike, hierarkinë e akteve, si dhe centralizon edhe më shumë kontrollin dhe pushtetin tek një institucion në varësi direkte nga Kryeministri.

-          Procedura e ndjekur për miratimin e ligjit nr. 107/2021, është realizuar në shkelje flagrante të parashikimeve të ligjit nr. 146/2014 “Për njoftimin dhe konsultimin publik”.

-          Bie ndesh, krijon mbivendosje dhe nuk është në harmoni me parashikimet e ligjit nr. 44/2015 “Kodi i Procedurave Administrative i Republikës së Shqipërisë”.

-          Bie haptazi ndesh me ligjin nr. 10385, datë 24.02.201, “Për ndërmjetësimin në zgjidhjen e mosmarrëveshjeve”, i ndryshuar.

 

 

PËR KTHIMIN E LIGJIT NR. 107/2021 “PËR BASHKËQEVERISJEN”

 

Në mbështetje të nenit 85, pika 1 dhe nenit 93 të Kushtetutës,

 

D e k r e t o j:
 

Kthimin në Kuvend të ligjit nr. 107/2021 “Për Bashkëqeverisjen”, për rishqyrtim sipas arsyetimit bashkëlidhur këtij dekreti.

 

 

Nr. Dekretit 13343

Tiranë, më 26.11.2021

                                          

 

                                                          PRESIDENTI I REPUBLIKËS

 

 

                                                ILIR META

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore