“Meshkujt shqiptarë penetrojnë seksualisht sepse e konsiderojnë femrën…”, Tushi: Dhuna shihet si gjë normale

Sociologu Gzim Tushi, ndërsa ishte i ftuar në “Breaking”, ka folur mbi faktorët që ndikojnë në familjen shqiptare, mbi dhunën e grave.

“Meshkujt shqiptarë penetrojnë seksualisht sepse e konsiderojnë femrën si objekt seksual”, tha Tushi në “Breaking”.

“Dhuna në famljet shqiptare shihet si gjë normale, e konsideron çështje private. 

Janë disa faktorë, ku meshkujt anormal, apo që kanë sjelle psikopatie:

Që merren me pijen, me bixhozin, që janë përtacë… etj, dhe kjo sjellje pasohet në dhunë ndaj grave”.

Sevim Arbana, aktiviste për të drejtën e grave, u shpreh se “Jemi (si shoqëri) mesjetarë në sjelljen që kemi ndaj grave.”

“Kemi një problem sidomos në veri të vendit dhe në fshatra pasi policia nuk vepron,” tregon Arbana.

Tushi shtoi se “ne kemi nevojë të bëjmë një revolucion mbi dhunën mbi gratë, sepse shqiptarët e shohin si gjë të zakonshme.

Tek ne nuk ka rëndësi nëse është me shkollë apo jo, nëse është në zona rurale apo në zona urbane, gratë shqiptare sërish janë dhunuar.

Dhuna mbi gratë është një luftë që s’e kemi fituar. Gruan ose e vrasin ose e përdhunojnë në shoqërinë tonë”, u shpreh sociologu.