Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

LSI pendohet për Luan Ramën? Kryemadhi shfaqet krah tij në Vlorë: Janë përpjekur...

LSI pendohet për Luan Ramën? Kryemadhi shfaqet krah tij në

Kryetarja e LSI-së, Monika Kryemadhi ndodhet sot në Vlorë, në vijim të turit të saj elektoral. Kryemadhi u shfaq krah numrit 1 të listës së LSI, Luan Rama. Kryemadhi dhe Luan Rama u shfaqën krah njëri-tjetrit, pavarësisht aludimeve për përplasje dhe përçarje mes tyre.

“Vlora e bukur! Vlora e zemrës së Shqipërisë është sot këtu e gjitha e bashkuar, nën flamurin e Shqipërisë. E nderuar kryetare e LSI-së Monika Kryemadhi mirë se ke ardhur në Vlorë dhe ne jemi sot të gjithë bashkë, me zemër e me shpirt të vendosur për fitoren e LSI-së. Jam më i emocionuari nga të gjitha.

Jam sot bashkë me ju për të konfirmuar një punë të jashtëzakonshme, me pasion e vendosmëri që kemi bërë në 7 muaj për ta ringritur LSI-në nga e para me djem e vajza të mrekullueshme.

Jam këtu për të konfirmuar se e gjithë lista është mishërimi i kohezionit shoqëror dhe mbi të gjitha i pasionit për t’i shërbyer Vlorës dhe Shqipërisë, vetëm me synimin që Shqipëria është e para. Jam njëri nga 12 emrat, i barabartë mes të barabartëve në listën e LSI.

Na kanë sulmuar, na kanë përgojuar, janë përpjekur të na poshtërojnë e përçajnë, por nuk ia kanë dalë dhe nuk do ia dalin, sepse LSI nuk është parti emrash, është parti zemrash”, tha Luan Rama.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore