Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

"Lista ruse e Ilir Metës"/ Veliaj ironizon Kryemadhin: Fyese për demokratët që ta votojnë

E Premte 31 Mars 2023, 19:47 Gazeta Shqip

"Lista ruse e Ilir Metës"/ Veliaj ironizon Kryemadhin: Fyese

Teksa zgjedhjet  afrohen, kryebashkiaku i Tiranës, Erion Veliaj në një prononcim mediatik e ka quajtur fyerje dhe poshtërim që po i bëhet demokratëve, të cilët në 14 Maj Sali Berisha po u thotë të votojnë listën e njerëzve të Ilir Metës dhe LSI.

“Është fyese që demokratët duhet të votojnë listën e Ilir Metës, i cili provohet çdo ditë që, në fakt, është më shumë lista ruse se sa një listë shqiptare. Është gjithmonë e më shumë një listë që sponsorizohet me rubla. Megjithatë, këtë poshtërim Partisë Demokratike, për të votuar njerëzit e rusëve të Ilir Metës, po ua bën Sali Berisha.

Nuk është halli i njerëzve se si këta shqyhen me njëri-tjetrin, dhe përmes këtyre kandidatëve Meta dhe Berisha po mundohen që hallet e tyre t’ia transferojnë Shqipërisë. Shqipëria ka halle boll, Tirana ka halle boll, por Sali Berisha dhe kandidatët e tij nuk duhet të jenë hallet e njerëzve. Janë halle personale, të këtyre personazheve, që duhet t’i zgjidhin. Këta u kujtuan për Tiranën tani që erdhën zgjedhjet”, tha Veliaj.

Veliaj tha se ajo listë ngjan më shumë me një listë ruse, sesa një listë shqiptare.

“Ata kanë një hall të madh me paratë ruse, me faktin se janë persona non-grata, dhe e dinë fare mirë se një popull perëndimor, sidomos populli i Tiranës, nuk i voton kurrë personat non-grata ose të lidhur me rusët, sado ide fantazmagorike të prodhojnë ata. Unë do merrem me hallet e Tiranës se besoj që kjo është mënyra më e mirë për të ecur përpara”, u shpreh Veliaj.

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore