Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Kemi punuar bashkë për 40 vite”, kolegia kujton mjekun nga Elbasani që vdiq nga Covid: Është një fatkeqësi e madhe

E Enjte 3 Dhjetor 2020, 14:42 Gazeta Shqip

“Kemi punuar bashkë për 40 vite”, kolegia kujton mjekun

“Shqipëria Live” në Top Channel ia kushtoi këtë pjesë të emisionit bluzave të bardha të cilët sakrifikuan jetën për të ndihmuar pacientët e prekur nga Covid-19.

Një nga ata që nuk fitoi dot betejën me virusin është mjeku nga Elbasani, Ferdinand Shkrepa, i cili ndërroi jetë më 28 nëntor në moshën 68-vjeçare.

Kolegia e tij Mira Rajani në një lidhje live në “Shqipëria Live” tha se kanë punuar bashkë për 40 vite.

“Situata në të cilën po jetojmë është e pazakontë, si mjekë dhe qytetarë duke qenë në hall të njerëzve, duke u udhëhequr edhe nga thënia e Hipokratit që për mjekun nuk ka të bardhë e të zinj, të pasur e të varfër por punojmë papërtueshmëri, kemi  punuar bashkë për 40 vite”, tha ajo.

Duke kujtuar ditën e parë që ka takuar Shkrepën, Rajani tha se ishte shumë i afërt. “Çdo koleg e shikonim në dritë të syrit për fjalët qe thoshte. Ishte shumë, shumë punëtor. Është një fatkeqësi e madhe si për familjen ashtu edhe për mjekësinë. Ishte një qytetar që do i mungojnë qytetit dhe një intelektual që i duhet vendit. Zoti thotë se i do të mirët dhe për Ferdin ashtu ndodhi. Ne nuk e besojmë se ai iku kaq shpejt, Zoti i mori në parajsën e tij”, tha ajo.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore