Karamuço tregon SKENARËT si Shqipëria mund të goditet nga sulmet terroriste: Janë tre atentate të dështuara…

Eksperti për sigurinë dhe kriminsalistikën, Ervin Karamuço tregoi se cilat janë shtetet nga ku Shqipërisë mund t’i vijnë sulmet terroriste.

Ai tha se një rrezik konstant mbeten kurdët, të cilët mund ta sulmojnë vendin tonë si shenjë hakmarrjeje për shkak të marrëdhënieve të mira që kemi me Turqinë.

Shteti i dytë sipas tij sulme të tjera mund të na vijnë nga Siria e Bashar Al Asad.

Rreziku më i madh dhe më konstant mund të na vijë nga Irani, tha Karamuço për Abcnews. Sipas tij ka patur 3 sulme të dështuara nga ana e iranianëve ndaj kryegjyshatës Botërore të Bektashinjve.

“Tre janë skenarët e mundshëm që ne na përfshijnë sulmet terroriste. Të parët janë Kurdët. Marrëdhëniet e mira që ne kemi me Turqinë, e cila lidhet edhe me ekstradimin e shtetasve kurdë që ka në vendin tonë. E dyta është me Bashar Al Asadin, edhe ata mund të bëjnë diçka. E treta rreziku më i madh është Irani. Irani gjithmonë ngarkon të tjerët. Janë 3 atentate të dështuar kundër kryegjyshatës Botërore të bektashinjve”, tha Karamuço.