Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Kamerat "kapin" autorin/ Vrasja e ish-deputetit në Shkodër, zbulohen dy pistat ku po heton policia

E Martë 30 Nëntor 2021, 11:32 Gazeta Shqip

Kamerat "kapin" autorin/ Vrasja e ish-deputetit në Shkodër,

SHKODËR - Policia e Shkodrës nuk ka ende një autor për atentatin e ndodhur mbrëmë, ku mbeti i vrarë ish-kryetari i Komunës së Velipojës dhe ish-deputeti, Pashko Ujka.

Paraditen e sotme grupi hetimor është rikthyer në vendin ku ndodhi atentati për të gjetur ndonjë provë që mund të çojë në zbulimin e autorit/ve të atentatit.

Sipas raportimeve, policia ka sekuestruar kamerat e sigurisë në zonë dhe ka parë për herë të parë autorin, por pa mundur ta identifikojë atë. 

Në vitin 2005, Pashko Ujka është zgjedhur deputet me aleancën demokratike ndërsa në 2007 ka kaluar me Partinë Demokristiane.

Pistat e hetimit

Pista kryesore e hetimeve lidhet me borxhet e viktimës të cilat i kishte akumuluar ndër vite, ndërsa pista e dytë e hetimit lidhet me punën e tij si ish-kryetar i Komunës së Velipojës

Gjatë ushtrimit të detyrës si kryetar i komunës Velipojë, Ujka dhe vartësit e tij kanë qënë në hetim nga prokuroria e Shkodrës, për akuzën e “Falsifikimit të dokumentave” dhe “Shpërdorimit të detyrës”. 

Për vrasjen e ish-deputetit dhe ish-kryekomunarit janë shoqëruar disa persona, në kuadrin e të dyshuarit apo të të paturit dijeni për ngjarjen, por deri tani nuk ka asnjë masë ndalimi ndaj asnjërit prej tyre.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore