Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

"Ka pasur stres e kështu gjërash..."/ Flet sërish nëna e Gert Shehut: Djali s’ka qenë kurrë agresiv, s’është kriminel...

E Mërkurë 7 Dhjetor 2022, 12:00 Gazeta Shqip

"Ka pasur stres e kështu gjërash..."/ Flet sërish

Ka reaguar sërish ditën e sotme nëna e Gert Shehut, 31-vjeçarit që qëlloi me grusht ish-kryeministrin Sali Berisha.

Në një prononcim për mediat Ermira Shehu thotë se pavarësisht momenteve stresuese apo problemeve familjare, djali i saj nuk kishte shfaqur kurrë sjellje agresive.

“Është në pavion. Doli nga aty. Unë aty isha. Jo, nuk ka shfaqur kështu sjelljeje. Unë të paktën, jemi një shtresë kështu, por nuk kemi pasur kështu problemeve. Nuk është kriminel. Kurohej me gjëra të vogla, ka pasur stres e kështu gjërash, nuk kishte ndonjë problem,”- tha ajo ndër të tjera.

Çfarë ndodhi dje?

Gerti Shehu, 31-vjeç sulmoi kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë. 31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së. 31-vjeçari u shoqërua nga policia dhe mori mjekim në spitalin e Traumës, pasi ka dëmtime në fytyrë dhe fraktura në hundë. Oficerët kanë tentuar dy herë për të marrë në pyetje të riun, por për shkak të gjendjes së tij shëndetësore, ai nuk ka dhënë deri tani asnjë dëshmi. Dyshohet se 31-vjeçari vuan nga probleme të shëndetit mendor.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore