Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

"Jemi të prekur"/ "Prefekti" përball regjisorin me mbesën e Qazim Mulletit: E risolla për të marrë më të mirën

"Jemi të prekur"/ "Prefekti" përball regjisorin me

TIRANË - Rileximi i komedisë “Prefekti” nga Teatri Kombëtar, ku vihet në lojë prefekti Qazim Mulleti ka rindezur debatin mbi veprat e kohës së regjimit komunist që denigron disa prej figurave historike.

E megjithatë në Open regjisori Spiro Duni tha se risjellja e kësaj vepre në formë leximi nuk kishte për qëllim të provokojë, por përkundrazi të risjellë dhe të nxjerrë më të mirën në pah.

Por mbesa e Qazim Mulletit, personazhi real në veprën “Prefekti” që u rilexua më 28 nëntor nga aktorët e Teatrit Kombëtar , në një lidhje live në Open ndërhyri dhe i tha regjisorit Duni se risjellja e veprës ishte e dhimbshme për të dhe familjarët e saj.

Debati në Open

Spiro Duni: E solla për ta ridemsionuar, për të marrë më të mirën , shume e kanë analizuar pa e parë.

S’është ngritja e kundërt. Unë kam besim që falja e asaj familje është rivënia e kësaj vepre ne dimensione të reja. Unë e kam ndryshuar tekstin, unë kam heq marrinat, ato që e nxjerrin Hajrien injorante. Është një lexim, nuk bëra shfaqje.

Qazim Mulleti nuk ishte hero, ishte një njeri me shkollim të madh, dhe kaq, dhe ai ka veset e veta.

Besforta Mulleti: Deri para një jave nuk e kisha parë , nuk e kam parë të plotë. Kisha thënë që të mos ta shikoja se për mua është e dhimbshme, se unë jam stërmbesa, imagjinoni sa e vështirë është për familjarët e mi.

Unë ndjehem njësoj e prekur se nuk shoh ndonjë devijim nga vepra e parë. Lajmërimi u bë me titullin Prefekti, dhe me autor Besim Lëvonja, tani me ç’qëllim bëhet një komedi tallëse me emra të vërteta, Qazimi , Hajria , Reshiti etj. Unë nuk iu vë faj aktorëve se ata po bëjnë punët e tyre, po artistët kanë një detyrim moral ama.

Duni: Është lexim, doja të shihja se ku mund të qëndronte, ishte një sprovë. Debatet filluan pa parë dhe lexuar leximin.

Mulleti: Ju mund të na kishit thënë më parë

Duni: Do hiqet emri

Mulleti: Është shumë vonë, dëmi është bërë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore