Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Infektohet me Covid mjeku në Berat, në karantinë i gjithë stafi i Radiologjisë

Infektohet me Covid mjeku në Berat, në karantinë i gjithë

Covid është rikthyer sërish mes bluzave të bardha në Berat. Një tjetër mjek në Spitalin Rajonal të Beratit është infektuar me koronavirus,duke rikthyer sërish frikën dhe panikun mes mjekëve dhe infermierëve. Mjeku i Repartit të Radiologjisë,kishte shfaqur prej disa ditësh shenja të infektimit dhe ishte në pritje të përgjigjes së tamponit që ka rezultuar sot “pozitiv”.

Mësohet se mjeku radiolog është karantinuar në banesë dhe gjendja e tij shëndetësore është e mirë.

Burime nga Drejtoria e Shëndetit Publik në Berat konfirmojnë se,janë kryer tamponët e familjarëve të mjekut dhe personelit të Repartit, ndërkohë që po kryhet edhe hetimi epidemiologjik i rasteve të tij të kontaktit. Të njëjtat burime konfirmojnë se, pas dezinfektimit është bërë mbyllja e Repartit të Radiologjisë dhe është karantinuar i gjithë personeli shëndetësor i këtij reparti.

Mjeku radiolog ishte mes rasteve “pozitive” të deklaruara zyrtarisht pasditen e sotme nga Ministria e Shëndetësisë,ndërkohë që sipas kolegëve të tij ai kishte 5 ditë i sëmurë dhe me shenja dalluese të infektimit nga koronavirusi.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore