Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Atentati me eksploziv/ Preng Gjini, 7 muaj në përgjim për vrasjen me snajper në Rrëshen

E Mërkurë 16 Shtator 2020, 12:19 Gazeta Shqip

Atentati me eksploziv/ Preng Gjini, 7 muaj në përgjim për vrasjen

E marta e 15 shtatorit ka qenë një prej ditëve më të vështira për Policinë. Sepse u shënuan tre vrasje, ku padyshim më e rënda ishte atentati me eksploziv në zonën e Tiranës së Re, ku mbeti i plagosur rëndë Preng Gjini.

Emri i Preng Gjinit nuk është aq i panjohur për Policinë. Sepse, që prej ditësh kur vëllai i tij Tonini, i njohur edhe me emrin Armand Gjini u qëllua për vdekje, policia e mbante nën vëzhgim.

Por, Rrësheni nuk shënoi vetëm vrasjen e Gjinit, por shumë të tjera në seri, nga Roma në Bruksel e nga Rrësheni në Tiranë. Por, vrasja që bëri më shumë bujë dhe nga e cila pritej të kishte të tjera atentate vdekjeprurëse ishte ajo me snajper e Kastriot Reçit.

Të gjitha dyshimet për autorësinë ishin për Preng Gjinin, e motivuar me vrasjen e vëllait Toninit. Pikërisht për këtë arsye Policia, si pjesë të hetimeve të saj vuri nën përgjim telefonin e tij dhe e mbajti nën vëzhgim të rreptë për 7 muaj.

Madje, Policia në atë kohë, nisur nga dyshimet dhe vënia nën përgjim e Gjinit tha zyrtarisht se ishte ngushtuar rrethi i të dyshuarve dhe se shumë shpejt do të zbardhej atentati ndaj Reçit. Por mungesa e provave dhe mospasja asnjë element dyshues për Gjinin e spostoi vëmendjen në një tjetër pistë.

Pasi nuk gjeti gjurmë dyshimi për Preng Gjinin, Policia duket e “harroi” atentatin dhe hodhi një tjetër pistë në “tryezën e krimit” atë të krimit të kryer me pagesë nga një shtetas kosovar. Por duke menduar se pagesa ishte kryer nga Preng Gjini, ndaj vijonte përgjimi telefonik.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore