Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Hetimi parlamentar i 25 prilllit, PS-PD përplasen për mbledhjen e Komisionit

Hetimi parlamentar i 25 prilllit, PS-PD përplasen për mbledhjen e

Partia Demokratike akuzon Partinë Socialiste se po përpiqet që të zvarrisë punën e komisionit parlamentar të ngritur për hetimin e zgjedhjeve të 25 prillit.

Kryetari i këtij komisioni, Enkelejd Alibeaj tha se mbledhja ishte thirrur me dakordësinë e socialistëve në orën 15:00, por nga PS nuk u paraqit asnjë anëtar. Sipas PD, arsyeja e vetme për këtë bojkot është sabotimi i punës së këtij komisioni.

“Duket fare qartë se mungesa e arsyeve, justifikimeve, sepse ata nuk patën fare arsye pse mungonin, duket që është një strategji e pastër, e qartë obstruksionizmi, për të penguar veprimtarinë e hetimit të masakrës zgjedhore të 25 prillit. Unë e kuptoj fare mirë, realisht jemi komision maxhorancë-opozitë, por realisht ata që janë nën akuzë jo vetëm prej nesh, por edhe dokumentave ndërkombëtare por edhe ajo që ka parë publiku, është pikërisht kjo pjesë e maxhorancës.”, tha Alibeaj.

Nga PS reagoi zv.kryetari i Komisionit, Toni Gogu. Sipas tij, mbledhja e sotme ishte shkelje e rregullores dhe mirëbesimit mes palëve dhe se komisioni nuk kishte votuar për këtë mbledhje.

“Përcaktimi i mbledhjes së ardhshme të Komisionit ishte pika e fundit në rendin e ditës dhe nevojitej të votohej nga Komisioni. Në kushtet e pamundësisë së votimit nga Komisioni të kësaj pike të rendit të ditës dhe njoftimit nga sekretaria në kohë të papërshtatshme dhe të padakordësuar, ndërkohë që kemi planifikuar aktivitete në zonat elektorale, u kemi propozuar kolegëve të opozitës ta vazhdojmë mbledhjen ditën e enjte”, tha ai.

Denonco

Keni informacion në interes të publikut? Dërgojeni në Shqip duke klikuar këtu.

 
Poll

Aktualitet

Ndiqni të gjitha lajmet e fundit
në rrjetet tona shoqërore