Gripi, “jo me vrap në spital”/ Shefi i shërbimit të urgjencës: KUJDES! Rrezikoni të ...

Situata gripale në vend po rëndohet si tek të rriturit ashtu edhe  tek fëmijët e vegjël.

Përveç vizitave  të shumta në qendra shëndetësore janë rritur edhe telefonatat drejt qendrës kombëtare të urgjencave të cilët i asistojnë edhe në banesë pacientët.

Sipas  drejtorit të urgjencës kombëtare,  virusi i gripit është shfaqur më agresiv pas  dy viteve ku dominonte virusi i Sars Covid 2.

Brataj këshillon qytetarët të mos vrapojnë menjëherë  në spital pasi gripi është një sëmundje që trajtohet në banesë.

Të rriturit mund ta menaxhojnë temperaturën me paracetamol 1000 miligram  dhe jo gjysmën e kësaj doze. Po kështu edhe në rastin e fëmijëve të mos i çojnë në spital  nëse nuk kanë komplikacione pasi marrin viroza të tjera.

“Mos nxitoni në spital  pasi merrni viroza të tjera. Menaxhojini në shtëpi ditët e para, vetëm kur  shfaqen komplikacione zgjidhja është spitali”, tha Brataj.

Kurba e të infektuarve me grip është në rritje. Piku i tij pritet të mbërrijë në fund të muajit janar.