Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Greva e Rinasit/ "Marshalli" që dha alarmin për pezullimin e fluturimeve, emailet e kontrollorëve

E Enjte 8 Prill 2021, 15:55 Gazeta Shqip

Greva e Rinasit/ "Marshalli" që dha alarmin për pezullimin e

Pas ndalimit të tre personave të dyshuar si përgjegjës e organizatorë te lënies së detyrës në kullën e vrojtimit në Rinas, prokuroria mori 2 referime mbrëmjen e së mërkurës për atë çka po ndodhte në aeroport.

Referimi i parë u bë nga një efektiv policie në komisariatin e Rinasit, Alban Xhediku. Në referim thuhet se personi i parë që mori dijeni për situatën e bllokuar në aeroport ishte Astrit Kurti me detyrë marshall i vendqëndrimit të avionëve.

Marshalli në deklarimet e tij tha se në orën 09:00 zbriti në pistë në pritje të fluturimit nga Athina në drejtim të Tiranës. Më pas, ai ishte njoftuar në telefon se avioni me 68 pasagjerë në bord ishte detyruar të kthehej mbrapsht.

Aty, më pas, marshalli kishte konstatuar dhe avionin “Air Albania”, i cili do të duhej të nisej për në Turqi por që edhe ky fluturim nuk ishte kryer. Pasi kishte shkuar në kullën e vrojtimit, komunikimi është bërë me një nga menaxherët e turnit. Oficerët e policisë gjyqësore morën deklarime dhe një tjetër punonjëse Edona Pullazi, në kullën e vrojtimit.

Sipas saj, fillimisht erdhi një email për pezullimin e fluturimeve nga ora 09:30 deri në orën 12:00 dhe pas këtij emaili dy njoftime të tjera. Në deklarime, ajo tha se një tjetër email anuloi mesazhin e parë, i cili lejonte fluturimet deri në orën 12:00 dhe pas tij njoftimi i fundit që pezulloi gjithçka. Emailet tashmë janë sekuestruar nga prokuroria, ndërsa 3 turnet e kullës së vrojtimit dhe emrat përkatës pritet të merren në pyetje gjatë hetimit.  /A2

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore