Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

FOTOLAJM/ Thumana ndez dritat dhe hedh pas krahëve tragjedinë e 26 nëntorit, shihni si është transformuar

FOTOLAJM/ Thumana ndez dritat dhe hedh pas krahëve tragjedinë e 26

Thumana ka ndezur dritat pas tërmetit tragjik të 26 nëntorit. Kryeministri Edi Rama ka publikuar një foto nga lagjja e re që po ndërtohet dhe duket se tashmë aty ka "jetë".

"Thumana sonte është si Shqipëria sot, në çdo sektor, një zonë e ndryshuar rrënjësisht me atë që ishte pas tërmetit, ashtu si edhe Shqipëria pas rrënimit të deri para 7 vjetëve e kusur, ku janë vënë bazat e janë ngritur muret, po ku ende duhet shumë punë për të hedhur çatitë e krijuar mjedisin e ngrohtë të zhvillimit, me frymëmarrje plotësisht të lehtësuar të jetës familjare e komunitare

Thumana sot s'ka krahasim me Thumanën dje, as me atë para tërmetit, por ajo që do të bëhet nesër, kur kjo punë e madhe të jetë kryer plotësisht, s'do ketë krahasim me këtë sonte - njësoj si Shqipëria që është ende një kantier në çdo sektor, ku punët janë akoma larg së qeni të përfunduara.

Sot kemi njëmijë e një arsye për të mos qenë të kënaqur, por kemi një arsye të madhe për të mos u ndalur, bazat e hedhura dhe muret e ngritura me aq shumë mund së bashku, mes vështirësish të jashtëzakonshme.", shkruan Rama.

Thumana ishte zona më e goditur nga tërmeti i 26 nëntorit të 2019-ës, ku dhjetëra shtëpi u shkatërruan dhe disa persona humbën jetën nga tërmeti tragjik, por duket se ajo kohë ka mbetur pas. /Gazeta SHQIP

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore