EMRI/ Hyri për të vjedhur në banësë, i riu zihet me grushta me pronarin në Sarandë, ndërhyn Policia

Është zbuluar emri i 25-vjeçarit të arrestuar ditën e sotme në Sarandë, pasi kishte hyrë me forcë në një banesë për të vjedhur.

Mësohet se i riu është shtetasi Lavdim Alliu. Përmes një njoftimi policia tha se ngjarja ka ndodhur në lagjen Metoq të qytetit, ku 25-vjeçari me iniciale L.A., është konfliktuar fizikisht me pronarin e banesës, A.T, deri në momentin që ka mbërritur policia.

Gjithashtu policia bëri me dije se autori është banues në fshatin Gradishtë të Lushnjes.

Materialet i kaluan Prokurorisë së Sarandës, për veprën penale “Vjedhja me dhunë”.

Njoftimi i policisë:

Shërbimet e Komisariatit të Policisë Sarandë, pas marrjes së njoftimit se në një banesë, në lagjen Metoq, Sarandë, kishte hyrë me forcë një shtetas, për të vjedhur, dhe po konfliktohej fizikisht me pronarin e banesës, menjëherë kanë shkuar në vendngjarje dhe kanë bërë të mundur arrestimin në flagrancë të shtetasit L. A., 25 vjeç, banues në fshatin Gradishtë, Lushnjë.

25-vjecari kishte hyrë me forcë në banesën e shtetasit A. T., për të vjedhur, por ishte konstatuar nga ky i fundit, i cili njoftoi menjeherë Policinë dhe u konfliktua fizikisht me të deri në ndërhyrjen e shpejtë të shërbimeve të policisë që reaguan në kohë reale.

Vijon puna, nën drejtimin e Prokurorisë pranë Gjykatës së Rrethit Gjyqësor Sarandë, për zbardhjen dhe dokumentimin e vjedhjeve të tjera, që mund të jenë kryer nga ky shtetas.

Materialet i kaluan Prokurorisë së Sarandës, për veprën penale “Vjedhja me dhunë”.