Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Ekstradohet në Itali shqiptari, ja roli i tij në grupin mafioz “Ndrangheta”

E Premte 22 Janar 2021, 11:05 Gazeta Shqip

Ekstradohet në Itali shqiptari, ja roli i tij në grupin mafioz

Sot, në aeroportin ndërkombëtar Leonardo Da Vinci, ka përfunduar procedura e ekstradimit të të dyshuarit Ardjan Cekini, për të cilin është lëshuar një urdhër paraburgimi nga Gjykata e Reggio më 5 dhjetor 2019. Mësohet se ai u arrestua në 26 maj 2020, në ekzekutimin e urdhrit ndërkombëtar të arrestit.

Cekini, akuzohet për përfshirje në aktivitete mafioze të tipit grup i strukturuar kriminal dhe trafik droge ndërkombëtar. Operacioni i hetimit përfundoi në nëntor 2019 me ekzekutimin e 45 masave arresti për grupin kriminal.

Thuhet se shqiptari i ekstraduar është pjesë e klanit Tell Bellocco

AKTIVITETI I KLANIT TELL BELLOCCO

Grupet hetimore kanë bërë të mundur shkatërrimin e plotë të klanit të ‘Ndrangheta që i atribuohet familjes Bellocco të Rosarno dhe degëve të saj ekstra-rajonale, duke arrestuar të gjithë anëtarët më të lartë të klanit, që i përkasin “rrethit Tirren” dhe që veprojnë në Gioia Tauro, në Emilia Romagna, në Lazio dhe në Lombardi.

Grupi kriminal, i artikuluar në disa nivele është i pajisur me burime shumë të larta financiare, në mënyrë që të importojë kokainë nga Amerika e Jugut, veçanërisht nga Argjentina dhe Kosta Rika.

Pjesë e grupi që trafikonte kokainë nga Amerika Latine në drejtim të Italisë ishte edhe Ardjan Cekini, post i “Ndrina” Bellocco “në zonën e Ballkanit, i cili mori pjesë së bashku me bashkëpunëtorët e tjerë në organizimin e blerjes në Spanjë të rreth 20 kg kokainë dhe i siguroi organizatës pajisje për komunikime të koduara telematike.

Ekstradimi i sotëm vjen në fund të hetimeve intensive të kryera nga Njësia PEF e Reggio Calabria dhe nga Shërbimi Qendror i Hetimit të Krimit të Organizuar të Romës, në kuadër të projektit më të gjerë I-CAN (Interpol Bashkëpunimi Kundër ‘Ndrangheta), promovuar nga Italia së bashku me Interpol./TCH

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore