Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Efektet afatgjata të COVID/ Studimi: Ja sa muaj zgjasin simptomat tek pacientët, edhe pas shërimit

E Enjte 20 Gusht 2020, 15:39 Gazeta Shqip

Efektet afatgjata të COVID/ Studimi: Ja sa muaj zgjasin simptomat tek

Sipas një studimi të ri në Britaninë e Madhe, pothuajse tre të katërtat e pacientëve kanë raportuar simptoma të koronavirusit të ri (COVID-19) tre muaj pas shërimit.

Studimi i 110 pacientëve u krye nga shërbimi shëndetësor kombëtar “North Bristol NHS Trust”, në kuadër të projektit të saj Discover, që synon të identifikojë efektet afatgjata të virusit COVID-19.

Studimi zbuloi se 81 nga 110 pacientë të anketuar pas 12 javësh përjetuan simptoma, përfshirë vështirësi në frymëmarrje, lodhje të tepërt dhe dhimbje të muskujve.

Edhe pse shumica ishin shëruar nga simptomat e para, të tilla si ethe, kollitje dhe humbje të nuhatjes, ata ende luftonin për të kryer detyrat themelore, si larjen dhe veshjen, duke mos përmendur edhe kthimin në punë.

“Ende ka shumë gjëra që nuk dimë për efektet afatgjata të koronavirusit, por ky studim na ka dhënë një pasqyrë të re se me çfarë sfidash mund të jenë përballur pacientët gjatë shërimit të tyre dhe do të na ndihmojë të përgatitemi për ato nevoja”, theksoi Rebecca Smith nga North Bristol NHS Trust.

Projekti Discover përfshiu 163 pacientë në këtë studim, 19 prej të cilëve kanë humbur jetën. Pjesa tjetër u thirr për kontroll pas tre muajve dhe 110 prej tyre morën pjesë.

David Arnold, i cili drejton projektin Discover, theksoi se studimi përshkroi ato që na kanë thënë shumë pacientë të prekur nga koronavirusi.

Ata ende kanë vështirësi në frymëmarrje, ndjehen të lodhur dhe nuk flenë mirë disa muaj pas prekjes nga virusi.

“Megjithatë, me siguri, anomalitë në rrezet X dhe testet e frymëmarrjes janë të rralla në këtë grup. Puna e mëtejshme në projektin Discover do të na ndihmojë të kuptojmë pse ndodh kjo dhe si mund t’i ndihmojmë të sëmurët me koronavirus”, theksoi Arnold.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore