Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

E ndarë nga burri dhe me sëmundje të rëndë/Aktivistja rrëfen vështirësitë: Kam bërë dy punë, një ditën dhe një natën për më shumë të ardhura

E ndarë nga burri dhe me sëmundje të rëndë/Aktivistja

Në studion e emisionit “Shqipëria Live” ishin sot të ftuara disa gra të divorcuara, të cilat rrëfyen betejën e pamundur për të siguruar një strehë.

Një nga të ftuarat ishte edhe aktivistja, Nertila Haxhia, e cila tha se ka katër vite që është ndarë nga ish-bashkëshorti. Ajo tha se ka patur një divorc të vështirë, por jo i shoqëruar me dhunë fizike.

“U largova nga shtëpia dhe mora prindërit e mi nga Lezha në Tiranë për të jetuar me mua e fëmijët. Si me prindin nuk ka, pasi kam patur një marrëdhënie të shkëlqyer me ta. Por duke qenë se kam edhe një vajzë, përgjegjësia tani është e imja”, tha Nertila.

Ajo shtoi se në asnjë moment nuk ka tentuar që të dalë të jetojë vetëm, edhe për shkak të problemeve me shëndetin.

“Të ardhurat e mia i kisha për shërimin tim dhe për mirëqenien e fëmijës. Bëra dy punë, një ditën dhe natën për të fituar sa më shumë para. Nëse do të kem një rikthim të sëmundjes, doja një garanci për vajzën time”, tha aktivistja.

Ajo shtoi se përveç se i duhej të përballonte vështirësitë që i dolën, i duhej edhe të sfidonte opinionin e publikut si një grua e divorcuar dhe nënë e vetme.

“Kisha një kosto morale. Unë kam punuar hostes dhe kam kënduar, vazhdoj ta bëj këtë të fundit. Por reagimi i shoqërisë dhe i njerëzve ishte i fortë e më thoshin: ‘të lutem largohu, është e pamundur të punosh aty’”, tregoi ajo.

Nertila tha se vijon e këndon, sigurisht duke respektuar masat e marra për parandalimin e Covid-19, në mënyrë që të ndihmojë gra të tjera që janë në nevojë.

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore