Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

E fundosi pasuria, ish-kreu i gjykatës së Tropojës nxirret jashtë sistemit të drejtësisë

E Martë 24 Nëntor 2020, 19:55 Gazeta Shqip

E fundosi pasuria, ish-kreu i gjykatës së Tropojës nxirret

Kolegji i Posaçëm i Apelimit lë në fuqi vendimin e Komisionit të Pavarur të Kualifikimit, duke shkarkuar nga detyra ish-kreun e Gjykatës së Tropojës, Dritan Secin.

Në mars të vitit të kaluar ai u shkarkua nga Komisioni i Pavarur i Kualifikimit, pasi nuk justifikoi pasurinë. KPK ngriti dyshime për fshehjen e një apartamenti si dhe një borxh prej 20 mijë eurosh në emër të gjyqtarit Dritan Seci. Por gjyqtari nuk ishte dakord duke e apeluar vendimin, megjithatë Kolegji e la në fuqi shkallën e parë duke e nxjerrë nga sistemi.

“Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Ardian Hajdari relator, Ina Rama, Natasha Mulaj, Sokol Çomo anëtarë, shpalli vendimin për çështjen, që lidhet me ankimin e subjektit të rivlerësimit Dritan Seci, kundër vendimit të Komisionit të Pavarur të Kualifikimit”, thuhet në vendimin e KPA.

“Në përfundim të gjykimit në dhomë këshillimi, trupi gjykues, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi lënien në fuqi të vendimit të Komisionit të Pavarur të Kualifikimit, që i përket subjektit të rivlerësimit Dritan Seci”, theksohet në vendimin e KPA. 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore