Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

E ëma e Erison Durdës që humbi jetën në Gërdec: Nuk ia fal gjakun, ma vranë me predhë djalin!

E ëma e Erison Durdës që humbi jetën në Gërdec:

Ditët e fundit në media është zbuluar blerja e fabrikës së Shkëlzen Berishës, pranë fshatit Gërdec, me vlerë 1.8 milionë euro. Ai e përdor këtë fabrikë për të paketuar boronicat që i mbledh në Tropojë dhe më pas i eksporton jashtë Shqipërisë.

Hapja e fabrikës së Boronicave në Gërdec nga Shkëlzen Berisha duket si një provokim për dhimbjen e familjarëve të viktimave të këtij fshati. Në emisionin Top Story në Top Channel, transmetuar në mars të vitit 2019, e ëma e Erison Durdës deklaroi se nuk do t’i falë gjakun e djalit, që vdiq nga shpërthimet e një fabrike predhash, ku ishin te përfshirë edhe njerëz të Sali Berishës.

 “Zotit ia fal, por robit jo. Atyre që ma bënë nuk ua fal kurrë jetën e atij. Një fëmijë i lindur në vitin 2000 të vdesë nga baruti e predha, që nuk i di çfarë janë? S’i kam borxh askujt, veçse më kanë jetën e gjakun e atij fëmije. Për të nuk do të rresht asnjë sekondë, sa të kem jetën time, do të kërkoj drejtësi, do t’i lëviz të gjithë gurët e kësaj bote. Kryetari i opozitës e çoi pallatin pas meje, (në Strasburg) Delijorgji i ka bërë ankimimet pas meje dhe mori dëmshpërblim, pse i kaluan afatet e paraburgimit, ka marrë dëmshpërlbim për Gërdecin, kupton se ku jetojmë? Gërdeci nga institucionet nuk u hetua si vepër korruptive, se ndodhi nga babëzia për parà dhe askush nuk ka hetuar”, tha Zamira Durdaj, nëna e Erison Durdaj.

Sot reagoi edhe djali tjetër i Zamirës, Geraldo Durda, i cili akuzoi Shkëlzen Berishën si autorin e krimit të Gërdecit, që po bën biznes pikërisht në vendin e krimit.

Përmes një statusi në rrjetin social “Facebook”, ai ngriti pyetjen se kush janë politikanët më të interesuar në Shqipëri që tragjedia e Gërdecit të mos zgjidhet kurrë ndërsa thotë se deri më tani askush nuk ka marrë mundimin ta pyesë, krejt ligjërisht, nga se përbëhet pasuria e Shkëlzen Berishës dhe se kush i sponsorizon udhëtimet e tij.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore