Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Covid-19/Meta: Situata nga pandemia në Shqipëri është dramatike

E Premte 17 Korrik 2020, 14:08 Gazeta Shqip

Covid-19/Meta: Situata nga pandemia në Shqipëri është

Presidenti Ilir Meta e cilëson si dramatike situatën nga pandemia e COVID-it në Shqipëri. Në kuadër të 2-vjetorit të themelimi të Aleancës për Dhurimin e Gjakut, Presidenti i Republikës, Ilir Meta vlerësoi sot organizatën Shqiptare të Dhuruesve Vullnetarë të Gjakut me Titullin “Për Merita të Veçanta Civile” dhe doktorin nga Kosova, Halit Gërbeshi, ndërsa u ndal edhe te pandemia.

"Kjo situatë dramatike e pandemisë në vendin tonë por edhe në gjithë botën dhe gjesti i jashtëzakonshëm i dhuruesve vullnetarë të gjakut në këtë situatë, më kujtojnë fjalimin e Winston Churchill si Kryeministër i Mbretërisë së Bashkuar, në1940-ën, vitin e parë të Luftës së Dytë Botërore kur u tha britanikëve: “Nuk kam çfarë t’ju ofroj përveçse gjakut, mundit, lotëve dhe djersës. Ashtu edhe dhuruesit tanë vullnetarë të gjakut me shpirt human, zemërgjerësi dhe shqiptarizëm, pa egoizëm, kanë dhuruar dhe ofrojnë ç’ka kanë më të shtrenjtë: gjakun e tyre, për të shpëtuar bashkatdhetarët e tyre”.

Covid-19/Meta: Situata nga pandemia në Shqipëri është

Më tej kreu i shtetit shtoi se "Situata e këtij viti me Pandeminë COVID-19 vuri në sprovë të madhe të gjitha sistemet shëndetësore në botë, për shkak të mungesës së dhuruesve të gjakut, si rezultat i kufizimeve apo mbylljeve totale. Ato muaj izolimi sollën shumë problematika e vështirësi veçanërisht për të sëmurët kronikë, pasi mungesa e furnizimit me gjak rrezikonte shëndetin dhe jetën e tyre".

Një mesazh, Meta kishte edhe për politikën. "Sot, pas 2 vitesh jetë të Aleancës për Dhurimin e Gjakut, ndihem krenar për punën dhe angazhimin e anëtarëve të saj. I falenderoj të gjithë vullnetarët, institucionet shtetërore, shoqatat, komunitetet fetare, por kryesisht të rinjtë në mbarë vendin, për përkushtimin e tyre për mbështetjen e kësaj kauze jashtëzakonisht humane e fisnike, si edhe për angazhimin konkret për të siguruar furnizim të vazhdueshëm me gjak, për ata që kanë nevojë, duke bërë të mundur vazhdimin e jetës për qindra e mijëra bashkëqytetarë në Shqipëri. Falë impenjimit dhe kontributit të dhuruesve të ndryshëm janë përballuar situata të vështira siç janë stina e verës dhe ajo e dimrit, por edhe pandeminë COVID-19, kur mungesa e furnizimit me gjak është ndjerë më shumë. Ne duhet të ndërtojmë një shoqëri që jep, dhuron, ndihmon dhe përkujdeset për të tjerët. Nëse shembulli i përkushtimit të dhuruesve të vazhdueshëm të gjakut do shtrihej në të gjithë sektorët e jetës, shoqëria dhe vendi ynë do ishte më i mirë do të ishin shumë më mirë se sa jemi sot. Do kishim një qeverisje shumë më të mirë, do të kishin institucione shumë më të forta dhe funksionale, do të kishim një klasë politike që vë njerëzit e thjeshtë mbi veten. Padyshim që do kishim shumë herë më pak korrupsion, më pak krim, më pak dhunë, por do të kishim shumë më tepër tolerancë dhe respekt për dinjitetin njerëzor dhe do kishim një shoqëri shumë më të bashkuar e të shëndetshme" u shpreh presidenti Meta.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore