Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

“Burgu i marsit shkatërroi jetën ekonomike”, regjisori i njohur: Vetëm Enveri ka bërë...

E Martë 22 Dhjetor 2020, 13:15 Gazeta Shqip

“Burgu i marsit shkatërroi jetën ekonomike”, regjisori i

Një ditë më parë, Ministria e Shëndetësisë lajmëroi për kufizimet e reja që janë marrë për festat e fundvitit, për të ndaluar përhapjen e Covid-19. Ogerta Manastirliu deklaroi një ditë më parë se do të ketë orar kufizues nga ora 20:30 deri në orën 06:00, për një periudhë të caktuar kohore.

Duke filluar nga data 24 Dhjetor deri më 4 Janar, kufizohet lëvizja e qytetarëve dhe aktiviteti i bareve dhe restoranteve.

Regjisori i njohur, Kastriot Çipi, ka treguar se është kundër këtyre kufizimeve dhe madje do të shkojë në kishë ditën e Krishtlindjes.

I ftuar në emisionin “Shqipëria Live” në Top Channel, Çipi tha se “shumë shtete    e aplikojnë shtetrrethimin, e shumë vende jo”.

“Të ndalohet të dalësh nga shtëpia, të dalësh me makinë apo biçikletë. Normale do të ishte se për shkak të festave të fundviti, të hiqeshin këto orare. Unë po them të lirojnë njerëzit të lëvizin”, tha regjisori.

Sipas tij, “burgu që nisi në mars” shkatërroi jetën ekonomike të shoqërisë si dhe gjendjen psikologjike.

“Kur nisi burgu në mars, kishte të drejtë të dilte 1 pjesëtar familje. Asnjë vend i botës nuk e ka bërë këtë. Shkatërruan jetën ekonomike të shoqërisë si dhe gjendjen psikologjike. Hajde mbyllim dyqanet dhe restorantet, por pse mos të shkoj unë në Kishë, pse të ndërpresësh marrëdhënien e njeriut me Zotin, vetëm Enveri e ka bërë këtë gjë. Pse nuk duhet të shkoj te motra ime që t’i uroj festat”, tha Çipi, i cili ka qenë kundër të gjitha masave që ka marrë qeveria për frenimin e përhapjes së Covid-19.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore