Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Burg për memet? Rama reagon sërish: Unë argëtohem vetë me to, do rishikohet

Burg për memet? Rama reagon sërish: Unë argëtohem vetë

Kryeministri Edi Rama ka reaguar edhe një herë rreth lajmit që bëri bujë ditën e sotme, se do të dënohen deri me një 1 vit burg  ata që prodhojnë dhe shpërndajnë meme në rrjetet sociale.

I ftuar në “Politik On”, Rama theksoi se në mënyrë absolute nuk do të ketë një ligj kundër satirës, ndërsa shtoi se edhe ai vetë argëtohet me memet.

Kreu i qeverisë shtoi se ndryshimet e propozuara në Kodin Penal nuk janë përfundimtare dhe do të rishikohet për të shmangur interpretimet e tilla.

“Unë jam një njeri që më pëlqen të argëtohem me meme-t, por jam dhe një shijues i humorit vizual. Kam dëshirë që Bujar Kapexhiu të ekspozojë të gjitha karikaturat për mua në sallën e ekspozitave në kryeministri. Nuk bëhet fjalë për një projekt, por material i shkruar nga një grup pune që po punon për Kodin e ri Penal. Ajo nuk lidhet me meme-t, satira nuk mund të censurohet, bëhet fjalë për montazhe. Qëllimi nuk ka qenë për t’u marrë me memet dhe as që të jetë një nen që mund të jetë eksplicit që të kalojë me dakordësinë time. Fakti që të gjithë janë vënë në alarm dhe e lexojnë ashtu, është i mjaftueshëm për ta parë në proces. Nuk është përfundimtar, dikush e ka nxjerrë, por nuk bëhet fjalë për një kërcënim”, tha Rama.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore