Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

A do të shtrëngohen masat nëse konfirmohet varianti Delta? Zv.ministrja zbulon planin e qeverisë

A do të shtrëngohen masat nëse konfirmohet varianti Delta?

Nëse mbërritja e variantit Delta në vend konfirmohet, situata epidemiologjike e koronavirusit do të rivlerësohet.

Lajmi bëhet i ditur nga zëvendësministrja e Shëndetësisë, Eugena Tomini , sipas së cilës çdo element përkundrejt masave shtrënguese do të varet nga situata epidemiologjike, dhe nga ecuria e rasteve në vijim.

 “Konfirmimi i sinjaleve të dyshimeve përkundrejt të dhënave laboratorike, pas konfirmimit nga Berlini do të japë një qasje ndryshe, përkundrejt qarkullimit të Deltës. Në kuptimin që do të përforcohen akoma më shumë masat e distancimit fizik, elementët e higjinës personale, vendosjes së maskës në ambjente të brendshme. Deri në këto momente Shqipëria ka përvijuar me masa të karakterit të moderuar, që nuk kanë qenë drastike.

Sigurisht, evidentimi i agresivitetit, i transmetueshmërisë, numrit të rasteve, të dhënave epidemiologjike, numrit të rasteve që do të hospitalizohen, pozitivitetit në 24 orë, do të rivlerësohen më pas me qarkullimin e variantit Delta. Ashtu sikundër ne vlerësuam variantin britanik, ku bëmë ato tranzitet ajrore me Britaninë e Madhe.  Çdo element përkundrejt masave shtrënguese varet nga situata epidemiologjike, ecuria e rasteve në vijim por dhe konfirmimit nga Berlini.”, ka deklaruar Tomini në A2.

Po sa janë gjasat që Delta të ketë ardhur?

Më herët kolegia e Tominit, zv.ministrja tjetër, Mira Rakacolli deklaroi në Report TV se dyshimet se varianti Delta i COVID-19 ka mbërritur edhe në vendin tonë, janë të forta.

Rakacolli, deklaroi se ndonëse nuk ka ende një konfirmim zyrtar për praninë e këtij virusi në Shqipëri, rritja e rasteve të reja të infeksionit, është shqetësuese./Gazeta SHQIP

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore