Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Hiqeshin si pushues në Mykonos, policia greke zbulon fermën me drogë të shqiptarëve

E Mërkurë 1 Korrik 2020, 19:02 Gazeta Shqip

Një bandë shqiptare e trafikimit të drogës është goditur nga policia greke. Sipas mediave fqinje, shqiptarët kishin kthyer një fermë në një magazinë ku kultivonin e përpunonin lëndën narkotike.

Drogën ata e kishin fshehur në disa kova të cilat më pas ishin groposur në tokë. Por falë një aksioni të zhvilluar nga policia e Mykonos dhe ajo e Selanikut, shqiptarët arritën të viheshin në pranga.

Nga aksioni u sekuestruan rreth 7.5 kg kanabis, 20.gr kokainë, 2 pistoleta tip "Zastava" 7.62 mm, 3 peshore, 3 telefona dhe 3.935 euro cash. Informacioni në lidhje me fshehjen e drogës, kishte ardhur kohë më parë në zyrat e Autoritetit Portual të Mykonos. Përfundimisht, pas kontrollit dhe grumbullimit të informacionit, u zbulua dhe se shqiptarët, numri i të cilëve nuk bëhet i ditur, kishin ardhur ilegalisht në vend dhe ishin përfshirë në tregtinë e drogës, kryesisht kanabis.

Shqiptarët u vunë nën mbikëqyrje dhe u zbulua se ata kishin marrë me qira një shtëpi në zonën e Ftelia, afër plazhit.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore