Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Biznes

BE-ja na mbylli kufijtë, Malaj: Kriza do të thellohet, të bllokohen deri në 3 vite...

E Mërkurë 1 Korrik 2020, 10:17 Gazeta Shqip

Bashkimi Europian ka vendosur mbylljen e kufijve me Shqipërinë, e kjo për shkak të situatës së koronavirusit. Mbyllja e kufijve parashikohet që të ketë mjaft pasoja në ekonominë shqiptare dhe sektorit që pritet të goditet më shumë është turizmi.

Ish-ministri i Financave, Arben Malaj me anë të një postimi në rrjetet sociale shprehet se kjo pritet të ketë pasoja që mund të shkaktojë edhe rritje të papunësisë.

"Ky lajm e rrezikon më shumë ekonominë tonë. Kriza mund të thellohet, në turizëm rrezikohet të ketë falimentime. Papunësia dhe varfëria mund të rriten. Përballë kësaj situate kërkohen masa konkrete nga qeveria. E para për hapjen e kufijve, duke ulur përhapjen e pandemisë", shpreh Malaj.

Ish-ministri propozon edhe disa masa që qeveria mund të marrë për të lehtësuar përballimin e kësaj situate.

"Qeveria të nxisë turizmin e brendshëm, duke lehtësuar oraret e punës, jo vetëm në fundjavë. Të bllokohen deri në tre vite kthimi i kredive duke ngrirë përllogaritjen nga bankat tregtare të interesave penalizuese. Qeveria të koordinojë me komunitetet e biznesit, strategjitë, politikat dhe paketat antikrizë. Një apel publik për çdo shqiptarë, duhet të respektojmë protokollet shëndetësore, për të reduktuar sa më shumë vdekjet nga pandemia dhe për të luftuar papunësinë dhe varfërinë më të cilat pandemia na vret", shprehet Malaj.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore