Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Ishte iniciator i protestave masive në Iran, dënohet me vdekje gazetari

Irani ka dënuar me vdekje gazetarin Ruhollah Zam për shkak se puna dhe veprimtaria e tij online frymëzuan protestat masive të vitit 2017. Zam menaxhonte një faqe interneti të quajtur AmadNews e cila postonte video shqetësuese për regjimin dhe informacione jo të rehatshme për zyrtarët vendas.

Ishte zëdhënësi i gjyqësorit në republikanë islamike, Gholamhossein Esmaili ai që njoftoi dënimin. Protestat e vitit 2017 përfaqësuan sfidën më të madhe për Iranin që nga trazirat masive pas zgjedhjeve në vitin 2009 dhe përgatitën terrenin për revoltat e ngjashme në nëntor 2019.

Mijëra vetë u arrestuan nga policia gjatë protestave dhe 25 njerëz u vranë. Zam kishte jetuar dhe punuar në mërgim në Paris para se të joshej që të kthehej në Iran, ku u arrestua tetorin e 2019 në rrethana ende të paqarta. Autoritetet franceze e kanë "dënuar ashpër" këtë veprim. Ai më vonë u shfaq muajt e fundit në rrëfime të transmetuara në televizion duke pranuar veprimet e tij dhe duke kërkuar falje për aktivitetet e tij të së kaluarës. Zam mund ta apelojë çështjen e tij në Gjykatën Supreme.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore