Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

Akuzat e Hagës, Rama e nisin takimin e parë me Limajn

Takimin e parë në Kosovë, kryeministri Edi Rama e ka nisur me kryetarin e Partisë Nisma, Fatmir Limaj. Rama ka qenë i shoqëruar së bashku me Ministrinë e Jashtëm në detyrë, Gent Cakaj dhe Ambasadorin e Shqipërisë në Kosovë, Qemal Minxhozi.

Ata janë pritur  nga Limaj dhe zyrtarë të tjerë në selinë e partisë Nisma. “Në Prishtinë për të dëgjuar dhe mësuar më shumë pas fletë-rrugëse speciale, që do të hyjë si njollë turpi e shekullit XXI në historinë botërore të drejtësisë, e cila praktikën e akuzës publike pa aktakuzë juridike e ka njohur veç në epokat e sundimeve ideologjike a para tyre!”, shkroi Rama në “Twitter” përpara nisjes së takimeve.

https://www.facebook.com/edirama.al/videos/2439659622993995/?t=8

Sipas agjendës më vonë do të takohet edhe me kryetarin e LDK-së, Isa Mustafën dhe atë të PDK-së, Kadri Veselin. Ndërkohë, në këtë agjendë janë përfshirë edhe takimet me presidentin Hashim Thaçi, kryeministrin Avdullah Hoti dhe kryeparlamentaren, Vjosa Osmani.

Takimi me Thaçin është parashikuar për në ora 18:50, pak para fjalimit të presidentit lidhur me aktakuzën nga Prokurori Special në Hagë.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore