Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

“Mësuesi fuste duart te djemtë e klasës”, rrëfimi tronditës i të riut: Me vajzat kishte një sjellje... (Video)

Ditët e fundit, vendi u trondit nga përdhunimi i një 15-vjecareje nga roja i një shkolle dhe tre të rinj në Babrru, Tiranë.

Kjo ngjarje madje sensibilizoi qytetarë të thjeshtë që të organizonin një marshim protestë, ku mblodhën me mijëra persona në sheshin "Nënë Tereza".

Ndërkohë një djalë i ri nga Korça, Danjel Hyseni, mori guximin të denonconte një mësues në gjimnazin "Faik Konica" që fuste duart te djemtë e klasës.

Ngjarja ka ndodhur rreth 14 vite më parë, por aty vazhdojnë të japin ende mësim disa prej atyre mësuesve. Ai ka publikuar një video në profilin e tij në "Facebook", ku ngrinte pyetjen ndaj mësuesve: "A flinit ju të qetë kur e dinit se çfarë ndodhte", pasi një tjetër mësues i kapte çunat nga trupi dhe iu fuste duart poshtë bluzës.

Ndërkohë ditën e sotme, Danjel Hyseni ishte i ftuar në emisionin "Shqipëria Live", ku foli rreth kësaj ngjarje të ndodhur shumë vite më parë.

Ai ka zbuluar se mësuesi nuk e ka ngacmuar atë personalisht, pasi njihte një të afërm të tij dhe kishte frikë mos i tregonte atij. Danjeli shprehet se ka qenë vetëm 14 vjeç kur ka ndodhur ngjarja, dhe në atë kohë nuk e kuptonin se çfarë po ndodhte.

"Ngjarja ka ndodhur në vitin e parë të shkollës së mesme, 14 vjeç, me një nga profesorët tanë. Edhe mua më ka marrë një kohë të gjatë që ta perceptoja sjelljen e tij. Kishte një sjellje të ndryshme me vajzat dhe djemtë. Një nga djemtë ka qenë pak më i zhvilluar se ne, pak më i rritur fizikisht. Mbaj mend se me të bënte gjeste duke i futur duart poshtë bluzës tij. Ndodhte gjatë orës së mësimit. Mësimi nuk ka qenë strikt, e bëntë gjasmë shaka. Ngacmimet i bënte në formën e shakasë dhe më vonë e kuptuam se si sillej ai. E ka bërë me dy-tre djem të klasës. Jo me mua personalisht, unë jam dëshmitar. Unë njihja një të afërm të tij dhe ai kishte frikë mos unë flisja me të", rrëfen ai.

Ndërsa duke folut rreth videos që ka postuar në "Facebook" dhe ka zbuluar këtë ngjarje të rëndë, Hyseni shprehet se në komentet e shumta ka patur edhe shumë të tjerë që e kanë vërtetuar atë çfarë ai ka thënë.

"Kur postova videon kam patur njerëz që janë treguar skeptik duke thënë se po gënjej, por ju kam thënë që ka edhe dëshmitarë të tjerë. Madje në postim ka edhe komente ku zbulojnë edhe emrin e profesorit.

Nuk e kam takuar personin që është ngacmuar më shumë se të tjerët, as emrin e profesorit dhe as të djalin nuk e kam treguar. Kam vendosur që më shumë të merrem me fenomenin se sa me ngjarjen. Por ka shumë që e vërtetojnë atë që unë kam thënë.

Në shkollë, në atë periudhë flitej se kishin parë një nxënës që kishte shikuar në shtëpinë e mësuesit. Kjo nuk është e vërtetuar, por janë si thashetheme. Nëse me ne djemtë sillej mirë, me vajzat sillej krejt ndryshe", ka thënë Danjeli.

Ky i fundit ka shtuar se ai mësues i shpall neveri dhe se ka vendosur që të tregojë këtë ngjarje që të ndërgjegjësojë të tjerët.

[gallery ids="1071291,1071292,1071326"]

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore