Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Sondazhi/ Dy vite nga reforma në drejtësi, qytetarët nuk besojnë te Gjykata e Prokuroria

Që prej dhjetorit 2019 u krijuan dhe kanë filluar veprimtarinë e tyre SPAK dhe Gjykatat e Posaçme. Ngritja e tyre në kuadër të reformës në drejtësi u krye më qëllimin për të gjykuar veprat penale kundër krimit të organizuar dhe korrupsionit si dhe të gjitha veprat penale të kryera nga funksionarë të lartë apo ish-funksionarë të lartë. Reforma doli si nevojë për të ulur ndikimin e korrupsionit dhe politikës në sistemin e drejtësisë, të cilat patën shpënë në rënie dramatike të besimit në këto institucione.

Gjetjet e Barometrit Shqiptar të Sigurisë të kryer në tetor 2019 tregojnë se vetëm 6.28% e qytetarëve kanë shumë besim tek Gjykatat dhe 7.09% tek Prokuroria. 51.93% e qytetarëve nuk i besonin aspak Gjykatat dhe 50.04% u shprehën të njëjtën gjë për Prokurorinë.

Por Barometri i realizuar nga Qendra për Studimin e Demokracisë dhe Qeverisjes, tregon se qytetarët kanë pritshmëri shumë më të larta dhe besim më të madh tek institucionet e reja: SPAK dhe Gjykatat e Posaçme. 43.05% e të anketuarve mendojnë se lufta kundër korrupsionit dhe krimit të organizuar do të fuqizohet pas formimit të SPAK dhe 41.52% e qytetarëve mendojnë se gjykatat do të jenë shumë më efektive.

Në grafikët më poshtë prezantohen disa nga gjetjet e lidhura me perceptimet dhe pritshmëritë e qytetarëve ndaj institucioneve të reja të drejtësisë.

[gallery ids="1060367,1060368,1060369"]

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore