Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Rudina Hajdari zbulon lëvizjet e Yuri Kim dhe i vendos kushte Bashës: Ja si mund të më rikthesh në PD

Deputetja demokrate, Rudina Hajdari tha në emisionin “HARD TALK” nga Roland Qafoku se liderët kryesorë në Shqipëri kanë frikë nga Reforma në Drejtësi, që Ambasada amerikane po e mbështet fort.

Hajdari ka zbuluar edhe kushtin për t'u rikthyer në PD.

-A po e tremb Yuri Kim politikën shqiptare?

-Po, po e tremb.

Pse?

-Po sepse edhe ajo guxon. Guxon të thotë të vërtetat.

-Ju e keni takuar dhe ja keni shprehur këto, zonja Hajdari?

-Absolutisht, kam marrëdhënie të vazhdueshme me ambasadoren dhe ambasadorët e tjerë, sepse dhe në rolin që kam duhet një bisedë e vazhdueshme.

-Çfarë ju ka thënë zonja Kim?

-Ajo mendon që beteja për ndryshimin e sistemit është një betejë e drejtë.

-Pra Ambasada amerikane dhe ambasadorja Yuri Kim e mbështet reformën me lista të hapura dhe sistemin danez?

– Patjetër që ambasadat nuk munden në mënyrë të drejtpërdrejtë  të ndërhyjnë të sistemi por mund të sugjerojnë dhe rekomandojnë. Ata e kuptojnë të vërtetën, që shumë njerëz kanë humbur besimin te politika shqiptare, tek elita e vjetër, tek ata persona që kanë shumë vite që mbajnë pushtetet.

-Nëse PD do iu bënte një ftesë që në zgjedhjet e vitit 2021 të ishit pjesë e asaj partie, me lista të hapura ose të mbyllura, do pranonit?

-Do pranoja që zoti Basha të luftonte bashkarisht në atë tryezë për ndryshimin e sistemit. Pjesë e pazareve të tjera, unë nuk bëhem.

-Pra, ju jeni duke thënë se nëse ndryshon sistemi ju ktheheni në  PD?

-Nëse ndryshon sistemi, atëherë hajde flasim. Nëse do kishte një rikthim nuk do ishte falë zemërgjerësisë së zotit Basha. Do ishte një betejë e cila ka frytet e saj dhe më pas do ecim bashkarisht për ta risjellë këtë forcë politike në këmbë.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore