Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Gabimi i së shkuarës/ Mike Tyson rikthehet në qeli për të takuar miqtë e dënuar me burg përjetë

Në fillim të viteve 90-të, Mike Tyson ra në fatkeqësi dhe provoi qelinë. Kampioni i atëhershëm i botës në peshat e rënda të boksit profesionist, në mënyrë të pashmangshme u njoh në burg me të dënuar të tjerë, veçse për akuza të ndryshme nga ai. “Iron Mike” u vu pas hekurave i nxjerrë fajtor për përdhunim, ndërsa në qeli kishte njerëz të dënuar për vrasje.

Sot e kësaj dite, kur kanë kaluar gati 30 vjet, Tyson nuk i ka harruar miqtë e dikurshëm, ata me të cilët kaloi ditët nga më të vështirat e jetës së tij. “Ata janë vrasës të dënuar me burgim të përjetshëm, thotë ishkampioni, dhe unë shkoj i vizitoj edhe sot e kësaj dite”. Jo vetëm kaq, por Tyson ka pasur edhe shokë që i ka njohur që në adoleshencën e hershme, që në fëmijëri.

“Ne ishim njësoj dhe vidhnim bashkë, – tregon Tyson, – gjithsesi, unë isha ndryshe nga ata sepse unë fillova boksin, dhe thoja se ata nuk duhej të vazhdonin ta bënin atë punë”. Ish-boksieri ka pasur fëmijëri dhe adoleshencë të vështirë, sepse u arrestua nga policia 38 herë përpara se të mbushte 13 vjeç. E tillë ishte mënyra sesi ai u rrit, dhe kjo shpjegon shumë gjëra.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore