Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

“Gafa” e Joe Biden: Nuk jeni me ngjyrë po votuat për Trump!

E Shtunë 23 Maj 2020, 08:29 Gazeta Shqip

Joe Biden, politikani që besohet se do të jetë kandidati demokrat në zgjedhjet presidenciale të nëntorit, u detyrua të kërkonte ndjesë pas një komenti të tepruar ndaj afro-amerikanëve. Biden, që siç thotë BBC e ka një prirje ndaj gafave, dha intervistë për drejtuesin e një emisioni të njohur radiofonik, Charlamagne Tha God, mbi raportin qe ka me votuesit me ngjyrë, vota e të cilëve ka qenë e një rëndësie kyce për kandidaturën e tij.

Përgjatë intervistës 18 minutëshe, 77 vjecari u përpoq të theksonte lidhjet  e veta te ngushta me këtë komunitet, duke i mëshuar sidomos fitores së sivjetshme në zgjedhjet paraprake të Karolinës së Jugut, një shtet ku elektorati demokrat është më shumë se 60% afro-amerikan.

“ Fitova në cdo konte. Mora numrin më të madh të votave me ngjyrë që ka marrë ndonjëherë njeri, përfshirë dhe vetë Obamën”, tha ai.Teksa I përgjigjej një pyetjeje të Charlamagne, Biden shtoi: “ Nëse e keni problem ta kuptoni nëse jeni me mua, apo me Trumpin, atëherë nuk jeni me ngjyrë”.

Disa orë më vonë, ai kërkoi ndjesë për komentin, reagimet ndaj të cilit nuk vonuan të shpërthenin. Biden u detyrua të thoshte se ishte I ndërgjegjshëm që komente të tilla e bëjnë të duket “ sikur e merr për të mirëqënë votën e afro-amerikanëve”, duke këmbëngulu se nuk e ka bërë kurrë një gjë të tillë.

 

 

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore