Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

"Mijëra jetë mund të ishin shpëtuar nëse....", eksperti britanik zbulon gabim fatal të qeverisë

E Premte 22 Maj 2020, 21:29 Gazeta Shqip

Mijëra jetë mund të shpëtoheshin nga Covid-19 nëse karantina në Britani do të ishte vendosur vetëm një javë më herët, ka pohuar një këshilltar shkencor i qeverisë atje. Sir Ian Boyd, anëtar i panelit SAGE të kryeministrisë, pranoi se do të kishte pasur ndryshim të madh nëse ministrat do të vepronin më shpejt për të luftuar shpërthimin epidemik.

Shifrat e Departamentit vendas të Shëndetit tregojnë se 36.042 Britanikët kanë vdekur pas testimit pozitiv për koronavirusin që filloi të përhapet me shpejtësi në Mbretërinë e Bashkuar në muajin mars. Por numri i vërtetë i viktimave nga kjo sëmundje, sipas shtypit britanik, mendohet se mund të jetë tek 60.000  kur merren parasysh edhe vdekjet e dyshuara prej koronavirusit apo ato që janë shkaktuar prej tij në mënyrë indirekte.

Pohimi i Sir Ian vjen pasi studime të publikuara këtë javë treguan se një izolim më i hershëm i vendit do të kishte shpëtuar shumë jetë. Sipas tij, nëse rregullat do të ishin bërë të detyrueshme në 16 mars, bilanci i jetëve të humbura mund të ishte kufizuar në 11.200. Kryeministri Boris Johnson e mbylli Anglinë në  23 mars, duke i ndaluar njerëzve takimet me njëri tjetrin apo udhëtimet e panevojshme. Britania ishte një nga vendet e fundit në Europë që vendosi karantinën.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore