Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Konflikti miliona dollarë/ Biznesmeni turk përmend edhe Ramën: Si më mashtroi Sinan Idrizi

Mediat turke vazhdojnë të raportojnë për një skandal mashtrimi ku pretendohet se biznesmeni i famshëm, Adnan Polat është mashtruar në Shqipëri nga Sinan Idrizi, partner i Air Albania.

Sipas mediave turke, Polat ishte në Shqipëri për biznes, ku u takua me biznesmenin Sinan Idrizi. "?drizi, partner i kompanisë Air Albania Airline dhe menaxher i Flamurtarit, një nga ekipet shqiptare të Super League, i tha Polat se një kompani e naftës në Shqipëri (Global Fluids International) po del me fitime dhe mund ta ndihmojë për ta blerë kompaninë", citon media turke.

Biznesmeni shqiptar i mori 3.5 mln dollarë si depozitë, por shuma u zhduk dhe blerja nuk u realizua.

Pas raportimeve në media, biznesmeni ka dalë me një deklaratë, raporton e përditshmja e madhe, Milliyet. Në deklaratë thuhet se në këtë histori ka qenë i përfshirë edhe kryeministri Edi Rama.

DEKLARATA

"Në bazë të lajmeve të pasqyruara sot në shtyp, ka qenë e detyrueshme të bëj një deklaratë për të informuar publikun. Siç dihet, si biznesmen, unë po investoj në shumë sektorë si në Turqi, ashtu edhe jashtë saj.

Ngjarja, objekt i lajmit, siç përmendet më lart merr jetë gjatë realizimit të një investimi që mendoj se do të ishte i dobishëm për vendin tim.

Me personin e quajtur Sinan Idrizi u ndërmorën negociata për blerjen e kompanisë GFI Albania SH.P.K. U ndërmorën hapa edhe me pjesëmarrjen e Kryeministrit të Shqipërisë, Edi RAMA, dhe si rezultat, ndodhi ngjarja e përmendur.

Megjithëse të gjitha detyrimet kontraktuale ishin përmbushur nga unë, personi i quajtur Sinan Idrizi nuk përmbushi asnjë prej këtyre detyrimeve.

Deri më sot, me durim, kam pritur që aleatët tanë të zgjidhnin çështjen, për të mos dëmtuar miqësinë Shqipëri-Turqi. Sidoqoftë, përballë kësaj situate që hasa për herë të parë në tërë jetën time të biznesit, vendosa ta dërgoj çështjen në Gjykatën e Lartë Turke.

Doja ta ndaja këtë me publikun, me të gjithë transparencën dhe sinqeritetin".

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore