“Bisha” kineze që lufton koronavirusin, doktoresha muskuloze para dilemës së madhe (FOTO)

Ajo ka qenë në linjën e parë të luftës ndaj pandemisë së Covid-19, por fansat e shumtë të doktoreshës së famshme ‘bodybuilding’ kineze Yuan Herong, i kërkojnë ta lërë këtë profesion për të nisur luftimin profesional në ring.

Yuan është kthyer në një sensacion në internet për format e saj trupore muskuloze dhe me pak rroba, të cilat ajo i ndan me rreth 400,000 fansat në Instagram.

Por kur largohet nga palestrat e stërvitjes, Yuan informon shpesh fansat për punën në spital me pacientët e koronavirusit.

Që prej uljes së rrezikut të pandemisë në Kinë, Yuan ka rinisur postimin e videove të stërvitjes dhe kjo ka bërë që fansat të kërkojnë që ajo të bëhet sportiste profesioniste.