Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Matje temperature, maska.../ Roli i OSBE dhe ‘prapaskenat’ e takimit të Këshillit Politik (FOTO)

Këshilli Politik për Reformën Zgjedhore ka zhvilluar paraditen e sotme mbledhjen e parë përballë, që pas ndërprerjes për shkak të pandemisë së koronavirusit, dhe pak ditë, pas takimit online.

OSBE ka marrë të gjitha masat për sigurinë dhe mbarëvajtjen e takimit të sotëm të grupit të Punës të Këshillit Politik për reformën zgjedhore.

Mbledhja është zhvilluar në kushte të larta sigurie, ku para se të hynin në sallën e përcaktuar në Pallatin e Kongreseve, anëtarët janë pajisur me maska, doreza, dezinfektante për duart dhe u është matur temperatura.

Mesazhi i OSBE

Për të lehtësuar diskutimet dhe punën konkrete për reformën zgjedhore, Prezenca e OSBE-së në Shqipëri mbështet nga ana logjistike takimin e sotëm të grupit të punës të Këshillit Politik, në Pallatin e Kongreseve.

Në takimin e tyre të parë online, të hënën, anëtarët e grupit të punës së Këshillit propozuan që takimin e ardhshëm ta zhvillonin rreth një tryeze, për të pasur një mjedis pune më të efektshëm.

Prezenca ka mundësuar sallën e mbledhjes, që lejon respektimin e masave të distancës së sigurisë për COVID-19, dhe pajisjen e pjesëmarrësve me maska, doreza dhe higjienizues.

[gallery ids="1050755,1050758,1050757,1050756"]

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore