Mick Jagger “sherr” me Paul McCartney: “Beatles më të mirë se ne? Ne mbushim akoma stadiumet”

Disa kohë më parë, gjatë një interviste radiofonike, Paul McCartney kishte “shpallur” epërsinë muzikore të Beatles ndaj Rolling Stones. Tani, mbërriti përgjigja e Mick Jagger. Pas publikimit të këngës së tyre të re e të shumëpritur “Living In A Ghost Town” , këngëtari i famshëm i doli në mbrojtje grupit të tij. “Ne kemi mbushur stadiumet që nga vitet 1970, ata u shpërbënë përpara se të fillonte biznesi i vërtetë i turneve”, tha ai. Në intervistë, McCartney shpjegonte arsyen e atij që ai e konsideron superioritet ndaj Rolling Stones. “ Stones ishin të fiksuar pas blues-it. Kur shkruanin dicka, gjithmonë do të lidhej me blues-in. Ne patëm më shumë influence. Ka pasur shumë dallime mes nesh; i dua Stones, por mendoj se Beatles ishin më të mirë,” kanë qenë fjalët e tij. Jagger replikoi shkurt: “ Është argëtuese sepse nuk ka garë. Rolling Stones janë grup i koncerteve të mëdha, ndërsa Beatles nuk kanë bërë asnjë turne nëpër arena. Në vitet shtatëdhjetë ne filluam të mbushnim stadiumet dhe po e bëjmë akoma. Njëri grup është tepër me fat që ende interpreton nëpër stadium, ndërsa tjetri nuk ekziston më ” përfundoi Jagger.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.