Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Dyshimet e një tenderi/ Porositen arkivolë për fëmijë të prekur nga Covid-19, në Tiranë

Një procedurë e dyshimtë tenderi është hapur ditët e fundit nga Agjencia e Shërbimeve Funerale, pasi kërkohet blerja e 136 arkivolëve, për viktimat e Covid-19. Nga kjo sasi, autoriteti kontraktor kërkon që arkivolët të jenë të përmasave të ndryshme.

Konkretisht, kërkohet të blihen 56 arkivolë të vegjël, për fëmijë deri në 1 vjeç; 75 copë arkivolë të mëdhenj të madhësive standarte dhe 5 copë arkivolë më të mëdhenj se standarti. Deri mesditën e kësaj të mërkure, Shqipëria numëron 27 persona që kanë humbur jetën nga Covid-19.

Por, shifrat e parashikuara në tender dhe sidomos llojet e arkivolëve, ngrenë dyshime të forta, jo për mënyrën e realizimit të këtij prokurimi, por për specifikimet. Kjo pasi, deri tani nuk kemi asnjë fëmijë të ketë humbur jetën nga Covid-19, por nga ana tjetër janë porositur 56 arkivolë për të mitur deri në 1 vjeç, nga Agjencia e Funeraleve, një ndërmarrje shtetërore në varësi të Bashkisë së Tiranës.

Sipas dokumentacionit që gjendet në Agjencinë e Prokurimeve Publike, këto blerje janë për viktimat që humbin jetën nga Covid-19. Duke qënë se është vendosur me ligj që viktimat e Covid-19, duhet të varrosen nga Agjencia e Funeraleve, atëherë ky institucion ka zhvilluar këtë tender.

Agjencia e Shërbimeve Funerale nuk ka vendosur fond limit për këtë tender. Megjithatë, mungesa e shifrës financiare është problemi më i vogël në këtë ?tender horror dhe të dyshimtë?.

Shifrat e arkivolëve që ajo ka porositur, nuk lidhen aspak me situatën aktuale të pasojave të Covid-19 jo vetëm në Tiranë, por edhe në të gjithë Shqipërinë. Në bazë të të dhënave zyrtare, Tirana, territor në të cilën vepron Agjencia e Shërbimeve Funerale që ka shpallur tenderin, numëron, në total që nga dita e parë, 256 persona të prekur, nga të cilët 15 kanë humbur jetën, ndërsa pjesa më e madhe e tyre janë shëruar.

Nuk dihet nëse ky është një lapsus i Agjencisë Funerale, por megjithatë tenderi ka shkaktuar debat të madh në opinionin publik.

[gallery columns="1" ids="1035506,1035495,1035497,1035502,1035503,1035504"]

https://www.gazeta-shqip.com/2020/04/22/bashkia-e-tiranes-sqaron-tenderin-per-arkivolet-jane-per-vdekjet-natyrale-jo-covid-19/

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore