Ndërroi jetë pasi luftoi me sëmundjen e rëndë, amaneti i fundit që la Rikard Ljarja

Regjisori dhe aktori i madh Rikard Ljarja është ndarë nga jeta një ditë më pare, pasi vuante prej kohësh nga një sëmundje e rëndë.

Lajmi është konfirmuar nga burime te gazetës Panorama të cilat thanë se aktori i mirënjohur, bashkëshorti i aktores Marjeta Ljarja, frymën e fundit e dha në banesën e tij në Tiranë.

Familja Ljarja ka falënderuar mjekët për përkujdesjen që i kanë kushtuar aktorit në ditët e përballjes së tij me sëmundjen e rëndë, e cila e mposhti të madhin Rikard Ljarja, që ka bërë për vete shqiptarët me rolet e tij në kinematografinë shqiptare.

Gjithashtu mësohet se aktori do të prehet në qytetin e tij të lindjes, në Shkodër.

Ky ka qenë edhe amaneti i fundit që ka lënë regjisori dhe aktori i madh shqiptar. Vdekja e tij përkon me një moment të pazakontë për vendin, ku për shkak të izolimit nga kufizimet e vendosura për shkak të koronavirusit, ceremonitë mortore bëhen vetëm nga familja pasi nuk lejohen grumbullime të mëdha.

Rikard Ljarja do të mbahet mend si aktor protagonist në shumë filma, si “Fletë të bardha”, “Pesha e kohës”, “Dueli i heshtur”, “Ndërgjegjia” dhe si regjisor e aktor në filmin “Skëterr 43”, “Në pyjet me borë ka jetë” etj. Ai ka krijuar mjaftë personazhe në filmat e tij që kanë mbetur në fondin e kinematorgrafisë shqiptare. /Panorama/

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.