“Pata një jetë të mirë, jepjani një të riu…”, 90 vjeçarja vdes pasi hoqi dorë nga respiratori

Një grua 90-vjeçare e prekur nga koronavirusi në Belgjikë ndërroi jetë pasi me vullnetin e saj refuzoi të përdorte respiratorin dhe u kërkoi doktorëve që i qëndronin tek koka që ta përdornin pajisjen për pacientë më të rinj që kishin nevojë.

Suzanne Hoylaerts nga Binkom u shtrua në spital më 20 mars kur shëndeti i saj u përkeqësua për shkak se ishte infektuar nga koronavirusi i ri me origjinë nga Kina.

Kjo ngjarje u regjistrua në një kohë kur e gjithë bota po vuan mungesën e ventilatorëve përgjatë pandemisë së koronavirusit, një pajisje kyçe që nevojitet për të përballuar sëmundjen.

Sipas të dhënave ajo raportohet t’iu ketë thënë doktorëve në spital “Nuk dua të përdor frymëmarrje artificiale. Ruajeni atë për më të rinjtë. Unë kisha një jetë të mirë”. Hoylaerts ndërroi jetë dy ditë pasi u shtrua në spital më datë 22 mars.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.