Njê vdekje çdo 2 minuta, SHBA përjeton ditën më të errët (FOTO)

Numri i vdekjeve nga koronavirusi në Shtetet e Bashkuara është të paktën 4076, sipas zyrtarëve të shëndetësisë. Guvernatori i Nju Jorkut tha të martën se numri i viktimave në këtë shtet vazhdon të rritet. Sipas, tij të martën numri i viktimave nga koronavirusi arriti në mbi 1,500. Edhe vëllai i tij, gazetari i rrjetit CNN, Chris Cuomo njoftoi se ka rezultuar pozitiv me Coivd-19.

Shtetet e Bashkuara kanë 190 mijë të prekur, numri më i lartë i të infektuarve në mbarë botën ku janë regjistruar mbi 857,000 raste.

Epiqendra është Nju Jorku me rreth 75 mijë raste infeksionesh të konfirmuara dhe rreth një të tretën e vdekjeve në vend.

Në konferencën e përditshme për shtyp për gjendjen në vend, Presidenti Donald Trump njoftoi të hënën se Shtetet e Bashkuara kanë kryer teste për koronavirus tek një milion amerikanë.

Ritmet e testimit janë shumë të rëndësishme për strategjinë e identifikimit, izolimit dhe kurimit të pacientëve me koronavirus në mënyrë që të vihet nën kontroll epidemia.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.