Shtet brenda shtetit/ Ja bashkia ku nuk lejohet të futet askush që nuk është banor i qytetit

Shtet brenda shtetit. Kështu mund t’i quajmë masat ekstreme që ka marrë Bashkia e Poliçanit për parandalimin e përhapjes së koronavirusit brenda territorit të saj. Bëhet fjalë për një plan krejtësisht unik, pasi prej dy ditësh një postbllok i përforcuar ka bllokuar qarkullimin e të vetmit aksi rrugor që lidh Poliçanin me pjesën tjetër të vendi.

Masat ekstreme janë ndërmarrë pasi sipas të dhënave, kjo bashki ka të rregjistruar zyrtarisht 800 të sëmurë kronikë, të cilët kanë punuar për dekada me radhë në kombinatin e ushtarak të këtij qyteti. Kryebashkiaku Adriatik Zotkaj, në bashkëpunim me policinë dhe i mbështetur nga këshilli bashkiak ka urdhëruar ngritjen e një postblloku në hyrje të qytetit.

Efektivët që qëndrojnë 24 orë në dytyre, me turne, ndaloje hyrjen në drejtim të Poliçanit, të çdo personi që vjen nga jashtë vendit, apo dhe nga qytetet e tjera ku tashmë është verifikuar se ka patur raste të qytetareve te infektuar me covid-19.

Për asnjë lloj arsye, në lejohet hyrja në qytet e asnjë personi të jashtëm apo edhe me origjinë nga kjo zonë. Qëllimi i kesaj mase ekstreme është mbrojtja e afro 6 mijë banorëve rezident në Poliçan nga përhapja e Covid-19.

Fotot nga gazetari Artan Hoxha