Rritet bilanci/ Nënë e bijë me koronavirus në Pukë, ja si u infektuan

Vijon të përkeqësohet bilanci i të prekurve me CoVid-19 në Shqipëri.

Sipas Top Channel në qytetin e Pukës janë shënuar dy persona të prekur me Covid-19. Konkretisht bashkëshortja dhe vajza e një pacienti i cili u zbulua se ishte i prekur në spitalin e Shkodrës gjatë ditës së djeshme. Ky i fundit edhe pse fillimisht tampon e kishte nxjerrë të pa infektuar një analizë e dytë me skaner ka zbuluar virusin. Në këto kushte mjekët që i kanë shërbyer u janë nënshtruar analizave pasi dyshohet se mund të jenë prekur.

Ndërkohë në të gjithë vendin ka shkuar në 174 numri i të infektuarve me Covid-19. Në 24 orët e fundit janë konfirmuar 28 raste të reja me Covid-19 dhe janë kryer 103 testime. Deri në këto momente testuar 1144 janë raste të dyshuara dhe prej tyre janë të konfirmuar pozitivë me COVID-19, 174 qytetarë.

Shpërndarja gjeografike e rasteve pozitive, është si vijon:
– Tirane 102 raste
– Durres 10 raste
– Lushnje 4 raste
– Elbasan 5 raste
– Rrogozhine 2 raste
– Fier 18 raste
– Kavaje 4 raste
– Korce 11 raste
– Vlore 5 raste
– Shkoder 3 raste
– Lezhe 4 rast
– Berat 1 rast
– Has 2 raste
– Kruje 1 rast
-Tropoje 2 raste

Ndërkohë numri i dy të infektuarve të rinj në Pukë pritet të përllogaritet në përditësimin e Ministrisë së Shëndetësisë gjatë ditës së nesërme.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.