‘Takova një mik që erdhi nga Italia’, i riu që mposhti koronavirusin: Ja simptomat që kisha

Pas trajtimit në Spitalin Infektiv të Tiranës, Erind Cara e mposhti koronavirusin. Ai ka folur në një lidhje direkte në emisionin OPEN në Top Channel ku ka tregur sesi u infektua dhe kontaktin që pati me një person të ardhur nga Italia.

“Kisha temperaturë dhe djersë, por kur pata edhe problem në frymëmarrje aty kuptova se diçka nuk shkonte”, tha ai për Eni Vasilin.

Ai u bëri apel të rinjve për kujdes, pasi ky virus i prek të gjithë.

Pjesë nga Biseda

Eni Vasili: Si mendon se je infektuar?

Erind Cara” As vetë nuk e di. Kam pasur një takim me mikun tim që ka ardhur nga Italia, por që nuk kishte simptoma

Eni Vasili: Çfarë simptomash kishe?

Erind Cara: Temperature dhe djersë. 38.5 deri në 39. Qëndrova në shtëpi dhe mendoja se po kurohesha për ftohje. Pas 7 apo 10 ditësh në shtëpi, pasi mbarova edhe mjekimin, gjendja ishte e stabilizuar, nuk kisha djersë dhe temperaturë, por problem në frymëmarrje. U habita sepse nuk më ka ndodhur ndonjë herë ngaqe unë prej vitesh merrem edhe me sport. Shkova në Senatorium për vizitë. Bëra skaner dhe doktorët panë që diçka nuk shkon. Bëra testin dhe më çuan tek Infektivi

Eni Vasili: I infektove mjekët në Senatorium

Erind Cara: Ishin të veshur mirë dhe nuk kam patur kontakt fizik

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.