“Përjashtuan Shkumbinin, ndaj erdhi koronavirusi”, fantazia e shfrenuar e futbollistit afrikan

Ish-futbollisti i skuadrës së Shkumbinit Efiong Ejoh mendon se koronavirusi erdhi në Shqipëri si “shenjë shpagimi ndaj përjashtimit të skuadrës peqinase nga Kategoria e Parë në Kategorinë e Dytë”.

Anësori i avancuar, i cili tani luan për Apolononinë pas largimit të pjesës më të madhe të lojtarëve nga ekipi peqinas e ka shpërndarë këtë mendim në rrjetet sociale.

Në një ndeshje të Kategorisë së Parë, grupi B Shkumbini-Dinamo, disa lojtarë dhe tifozë vendas dhunuan gjyqtarin Sokol Bebja pasi pretendonin se i kishte dëmtuar me gjykimin e tij.

FSHF-ja vendosi më pas përjashtimin e skuadrës nga Kategoria e Parë dhe zbritje në Kategorinë e Dytë si dhe gjobitje me 500 mijë lekë. Për këtë ngjarje, futbollisti i Shkumbinit Andi Bakiasi u përjashtua përjetë nga FSHF-ja.

 

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed, but trackbacks and pingbacks are open.