Shtëpia e pushimit e Ministrisë së Mbrojtjes do kthehet në karantinë, Rama jep detajet

Kryeministri Edi Rama ka folur për situatën në vend, pas panikut që ka përfshirë qytetarët për shkak të përhapjes së koronavirusit.

Në një mbledhje me ekipet e ekspertëve, Rama bëri me dije edhe masat e marra për të përballuar situatën.

Ai njoftoi gjithashtu se shtëpia e pushimit e Ministrisë së Mbrojtjes në Durrës do kthehet në karantinë. Rama shtoi se është siguruar që ajo i plotëson kushtet për të qenë karantinë për situatën në rast se koronavirusi përhapet edhe në vendin tonë.

“Është një situatë që ka zënë në befasi gjithë botën, një virus përhapja e të cilit për fat të keq dhe kjo është e pashmangshme dhe problematike po shoqërohet me atë që OBSH e quan infodeminë, lajmet e pakonfirmuara, të rreme, që marrin dhenë dhe influencojnë mbi qëndrimin dhe sjelljen e konsumatorëve të lajmeve.

Është për të ardhur keq që ndërkohë që bëhet politik e ka debat, askund tjetër nuk ndodh që palë të caktuara politike e individë me mandat politik të bëjnë ato që kanë bërë gjatë këtyre ditëve duke u përpjekur për të përhapur panik e për të dezinformuar.

Askund nuk bëhet që karantinat të ndërtohen në male apo pyje, apo larg zonave të banuara, kjo është një shpikje në vazhdën e ushqyerjes së infodemisë.

Kemi përcaktuar shtëpinë e pushimit të Ministrisë së Mbrojtjes në zonën e Durrësit ku me OBSH është konstatar se i përmbush standardet”, deklaroi Rama.

©Copyright Gazeta SHQIP

Për t'u bërë pjesë e grupit mjafton të klikoni: Join Group dhe kërkesa do t'ju aprovohet.
Komuniteti Gazeta Shqip: https://www.facebook.com/groups/gazetashqip/





LEXO MË TEJ:


Më të lexuarat

Comments are closed.